Evrópumót U17 kvenna hefst á Grindavíkurvelli í dag
Una Margrét Einarsdóttir leikmaður Keflavíkur í hópnum
Evrópumót U17 liða kvenna fer fram á Íslandi og hefst mótið í dag þar sem m.a. er leikið á Grindavíkurvelli.
Suðurnesin eiga einn fulltrúa í hópnum að þessu sinni en það er Garðmærin Una Margrét Einarsdóttir sem leikur með 1. deildar liði Keflavíkur.
Tveir leikir fara fram á Grindavíkurvelli í dag en kl. 13 leika Englendingar og Spánverjar og kl. 19 mætir íslenska liðið sterku liði Þjóðverja.
Knattspyrnuáhugamenn eru hvattir til að gera sér ferð á völlinn og styðja íslenska liðið til sigurs en frítt er inn á alla leiki mótsins.
Dagskrá mótsins má finna hér en boðið verður uppá grillaðar pylsur, knattþrautir og hoppukastala fyrir börnin ásamt því að landsliðskonur munu árita veggspjöld fyrir æsta aðdáendur.
