Enn einn titillinn í hús í Njarðvíkunum

Njarðvíkingurinn Bjarni Darri Sigfússon 14 ára, tók þátt á Íslandsmeistaramótinu í Íslenskri Glímu um helgina.

Hann gerði sér lítið fyrir og sigraði sinn aldursflokk örugglega og vann sér inn rétt til að taka þátt á hálandaleikum unglinga á næsta ári.  Bjarni er nú íslandsmeistari í þremur bardagagreinum,  Brazilian Jiu-jitsu( Njarðvík) Íslensk Glíma (Njarðvík) og Taekwondó (Keflavík).  Hann hefur líka staðið sig mjög vel á Júdómótum þar sem hann varð annar á Íslandsmeistaramóinu í júdó 2013.

Bjarni er án efa einn efnilegasti bardagaunglingur landsins og á eftir að gera góða hluti ef fram heldur sem horfir.