Enn einn stórsigur Keflavíkurstúlkna

Keflavíkurstúlkur báru sigurorð af Ægi frá Þorlákshöfn, 15-0, í 1. deild kvenna í knattspyrnu í gærkvöldi og virðast vera algerlega óstöðvandi um þessar mundir.

Leikurinn fór fram á heimavelli Ægisstúlkna í Þorlákshöfn og segja lokatölurnar allt sem segja þarf um gang leiksins.

Stúlkurnar eru sem stendur efstar í sínum riðli og hafa unnið fyrstu fjóra leikina. Þær hafa ekki enn fengið á sig mark og er markahlutfallið hjá þeim 38-0!!!

Næsti leikur stúlknanna er eftir rúma viku og er fróðlegt að sjá hvort þær getu haldið þessari miklu ferð sem þær eru komnar á og hreinlega straujað yfir 1. deildina.
VF-mynd: Úr safni