Enn einn sigurinn hjá Ragnheiði Söru

Njarðvíkingurinn Ragnheiður Sara Sigmundsdóttir, fagnaði sigri á enn einu crossfitmótinu á erlendri grundu nú um helgina. Að þessu sinni sigraði Ragnheiður Sara á Athlete Games mótinu, sem fram fór í Manchester á Englandi. Að launum hlaut Ragnheiður Sara 7500 dali, eða tæplega milljón krónur.

Mótið stóð yfir í tvo daga en Ragnheiður Sara var með forystuna lengst af í keppninni. Hún hlaut að lokum 828 stig á meðan sú í öðru sæti hlaut 780. Alls voru tæplega 100 keppendur víðs vegar af úr Evrópu í kvennaflokki og mótið afar sterkt.

Hér í myndbandinu að neðan má sjá hvernig Sara fór að því að tryggja sér sigurinn.

Hér að neðan má sjá myndband frá keppninni þar sem Sara snarar 81 kílói.