Elvar og Salbjörg best hjá Njarðvík
Uppskeruhátíð körfuboltans í Njarðvík fór fram á dögunum þar sem Elvar Már Friðriksson og Salbjörg Sævarsdóttir voru valin bestu leikmenn meistaraflokka félagsins. Rúmlega 100 manns skemmtu sér konunglega á hófinu sem var haldið í Safnaðarheimilinu í Innri Njarðvík. Veislustjórn var í höndum Ásgeirs Guðbjartssonar fyrrum leikmanns félagsins. Nokkur skemmtiatriði vöktu mikla lukka hjá gestum en Hreimur Örn sá svo um að skemmta fólki fram eftir nóttu.
Efnilegasti leikmaður meistaraflokks kvenna: Guðlaug Björt Júlíusdóttir
Besti varnarmaður meistaraflokks kvenna: Erna Hákonardóttir
Besti leikmaður meistaraflokks kvenna: Salbjörg Sævarsdóttir
Efnilegasti leikmaður meistaraflokks karla: Ágúst Orrason
Besti varnarmaður meistaraflokks karla: Maciej Baginski
Besti leikmaður meistaraflokks karla: Elvar Már Friðriksson
Nánar á heimasíðu Njarðvíkinga.
