Elsa og Hörður íþróttafólk Reykjanesbæjar 2021
Kjöri á íþróttafólki Reykjanesbæjar 2021 var lýst í útsendingu á fésbókarsíðu Víkurfrétta á gamlársdag.
Íþróttakarl ársins í Reykjanesbæ 2021 landsliðsmaðurinn, deildarmeistarinn og leikmaður ársins í Dominos-deild karla, Hörður Axel Vilhjálmsson.
Íþróttakona ársins í Reykjanesbæ 2021 með átta heimsmet, 50 Íslandsmet, Íslandsmeistarinn, Norðurlandameistarinn og heimsmeistarinn Elsa Pálsdóttir.
„Síðustu tvö ár hafa verið ótrúleg í íþróttasögu Reykjanesbæjar þar sem Covid-veiran hefur reynst okkur erfið. Engu að síður hefur okkur tekist að halda lífi í íþróttum í bænum og er það helst að þakka öllum þeim fjölmörgu sjálfboðaliðum sem leggja hönd á plóg ég vil þakka þessu fólki fyrir ótrúlega vinnu í gegnum kófið.
Á 25 ára sögu ÍRB hefur alltaf á gamlársdag verið hægt að uppskera eftir árið og krýna íþróttafólk ársins en árið 2020 þurftum við að fella allt niður og ákváðum að velja ekki íþróttamann ársins, allt árið 2021 höfum við verið fastákveðin í að það muni ekki gerast aftur. Það hefur heldur betur blásið móti okkur og erum við búin að fella niður allt samkomuhald utan um þessa tilnefningu og komin hingað á skrifstofu Víkurfrétta til þess að kynna einungis val á Íþróttakarli og Íþróttakonu ársins í Reykjanesbæ,“ sagði Guðbergur Reynisson, formaður ÍRB, við þetta tækifæri.
Íþróttamenn og -konur ársins
Hér er listi yfir íþróttamenn hverrar greinar innan Íþróttabandalags Reykjanesbæjar en 26 félög eru aðilar að ÍRB. Aftan við nafnið er fæðingarár og sést vel hve breiddin er mikil en elsti er 61 árs en yngsti níu ára.
Vegna sóttvarnareglna var árleg uppskeruhátíð ÍRB ekki haldin í íþróttahúsi Njarðvíkur þetta árið en fundinn verður dagur í janúar til þess að veita þessum íþróttamönnum viðurkenningar og þeim 116 Íslandsmeisturum sem unnu til verðlauna árið 2021.
Knattspyrnumaður Reykjanesbæjar
Keflavík Sindri Kristinn Ólafsson 1997
Knattspyrnukona Reykjanesbæjar
Keflavík Natasha Moraa Anasi 1991
Sundmaður Reykjanesbæjar
Keflavík Már Gunnarsson 1999
Sundkona Reykjanesbæjar
Keflavík Eva Margrét Falsdóttir 2005
Blakíþróttamaður Reykjanesbæjar
Keflavík Gunnar Ægisson 2005
Blakíþróttakona Reykjanesbæjar
Keflavík Valdís Guðmundsdóttir 1992
Fimleikamaður Reykjanesbæjar
Keflavík Heiðar Geir Hallsson 2006
Fimleikakona Reykjanesbæjar
Keflavík Margrét Júlía Jóhannsdóttir 2007
Körfuknattleiksmaður Reykjanesbæjar
Keflavík Hörður Axel Vilhjálmsson 1988
Körfuknattleikskona Reykjanesbæjar
Keflavík Anna Ingunn Svansdóttir 2001
Taekwondomaður Reykjanesbæjar
Keflavík Jón Ágúst Jónsson 2007
Taekwondokona Reykjanesbæjar
Keflavík Dagfríður Pétursdóttir 1977
Hestaíþróttakona Reykjanesbæjar
Hmf Máni Signý Sól Snorradótir 2004
Júdómaður Reykjanesbæjar
JRB Daníel Dagur Árnason 2003
Glímumaður Reykjanesbæjar
UMFN Gunnar Örn Guðmundsson 2003
Glímukona Reykjanesbæjar
UMFN Heiðrún Fjóla Pálsdóttir 1999
Kraftlyftingamaður Reykjanesbæjar
UMFN Sindri Freyr Arnarsson 1992
Kraftlyftingakona Reykjanesbæjar
UMFN Elsa Pálsdóttir 1960
Lyftingarmaður Reykjanesbæjar
UMFN Emil Ragnar Ægisson 1994
Lyftingakona Reykjanesbæjar
UMFN Katla Björk Ketilsdóttir 2000
Karlkylfingur Reykjanesbæjar
GS Logi Sigurðsson 2002
Kvenkylfingur Reykjanesbæjar
GS Fjóla Margrét 2007
Borðtennismaður Reykjanesbæjar
BR Dawid May Majewski 2012
Frisbímaður Reykjanesbæjar
Frisbífélag RNB Freyr Marino Valgarðsson 1989
Hnefaleikamaður Reykjanesbæjar
HFR Haraldur Hjalti Maríusson 2002
Hnefaleikakona Reykjanesbæjar
HFR Hildur Ósk Indriðadóttir 1983
Íþróttamaður fatlaðra Reykjanesbæjar
Nes Ástvaldur Bjarnason 1992
Íþróttakona fatlaðra Reykjanesbæjar
Nes Bryndís Brynjólfsdóttir 1986
Akstursíþróttamaður Reykjanesbæjar
AIFS Garðar Gunnarsson 1963
Akstursíþróttakona Reykjanesbæjar
AIFS Bergþóra Káradóttir 2004
