Efling kvennagolfs

Konur í golfklúbbunum í Sandgerði og Leirunni spiluðu golf saman á Kirkjubólsvelli þann 20. júlí síðastliðinn.

Það voru 25 golfkonur sem hittust á Kirkjubólsvelli í góða veðrinu síðdegis og léku í blönduðum hollum, sumar 9 holur og aðrar fóru allan völlinn.

Þetta er liður í því að efla kvennagolf á Suðurnesjum en í þessum tveimur klúbbum hittast konur reglulega til að spila saman. Næsta mánudag, 25 júlí, verður Kvennagolfdagur í Leirunni þar sem kennari og leiðbeinendur bjóða öllum golfáhugakonum á Suðurnesjum að koma kl. 17.15 og njóta ókeypis tilsagnar í grunnatriðum golfíþróttarinnar.

Meðfylgjandi eru svo skemmtilegar myndir sem teknar voru af kylfingunum.