Deildarkeppni í borðtennis fer fram í Reykjanesbæ

Borðtennisfélag Reykjanesbæjar mun halda deildarhelgi um næstu helgi, 30. og 31. október. Deildarhelgi er umferð í deildarkeppni Borðtennissambands Íslands. Leikið verður í nývígðri aðstöðu félagsins þar sem slökkviliðið var áður til húsa (Hringbraut 125).

Þetta er fyrsta mótið sem félagið heldur á vegum Borðtennissambandsins en Borðtennisfélag Reykjanesbæjar tekur þátt í deildarkeppninni í fyrsta sinn í ár.