Deildarbikarinn um helgina

Njarðvíkingar unnu öruggan sigur á Árborg 7-1 í Reykjaneshöllinni á laugardaginn síðastliðinn þar sem Michael Jónsson setti þrennu og þeir Gunnar Sveinsson, Kristinn Örn Agnarsson, Snorri Már Jónsson og Aron Már Smárason skoruðu sitt markið hver.

Grindvíkingar steinlágu gegn Þórsurum 0-3 á Stjörnuvellinum og hafa þar með tapað fyrstu sex leikjum sínum í Deildarbikarnum.

Á sunnudaginn vann meistaraflokkur kvenna í Keflavík lið Þór/KA/KS 3-1 í Reykjaneshöllinni með mörkum frá Evu Kristinsdóttur, Guðnýu Þórðardóttur og Andreu Frímannsdóttur.

Víðismenn unnu góðan sigur á Víkingi Ó. 1-0 á Stjörnuvelli í gær.