Daníel Guðni til Grindvíkinga

Körfuboltakappinn Daníel Guðni Guðmundsson er kominn aftur til Íslands eftir að hafa stundað nám í Svíþjóð síðastliðið ár eða svo en viðtal við kappan birtist í Víkurfréttum á dögunum. Nú hefur Daníel, sem er uppalinn í yngri flokkum Njarðvíkinga, ákveðið að ganga til liðs við Grindvíkinga í Dominos-deild karla.

„Grindavík sýndi mér mikinn áhuga er þeir fréttu að ég væri á leiðinni heim og það er í raun aðalatriðið. Ég er tilbúinn að berjast fyrir mínútum í þessu liði. Þetta er sterkur hópur og munu vera kljást í toppnum eins og undanfarin ár og það er heillandi. Ekki skemmir fyrir að spila með besta vini sínum en það hafði mikið að segja um ákvörðun mína.“ sagði Daníel í spjalli við Karfan.is en þar er hann að ræða um fyrrum leikmann Njarðvíkinga Jóhann Árna Ólafsson sem nú leikur með gulum.