Daníel framlengir í Grindavík
Bakvörðurinn Daníel Guðni Guðmundsson hefur framlengt samning sinn við Grindvíkinga í Domino's deildinni í körfubolta til tveggja ára. Daníel sem er uppalinn Njarðvíkingur hefur leikið með Grindvíkingum frá því í lok árs 2012. Karfan.is greinir frá.
Jón Gauti Dagbjartsson formaður KKD Grindavíkur sagði í samtali við Karfan af þessu tilefni: „Við erum afar ánægð með að hafa hann hjá okkur, flottur einstaklingur inni í klúbbnum og við erum bara í skýjunum.“
Daníel lék 24 leiki með Grindvíkingum á síðasta tímabili og var með 3,1 stig að meðaltali í leik.