Damon snýr aftur!

Goðsögnin Damon Johnson mun leika með Keflvíkingum í úrslitarimmunni gegn Snæfelli.
Damon, sem hefur leikið á Spáni í vetur, sagðist kominn með leið á umgjörðinni sem er í kringum boltann þar í landi og eins hefur hann ekki náð að festa sig í sessi hjá sínu nýja liði Murcia, sem hann gekk til liðs við eftir áramót.
Ekki þarf að fara mörgum orðum um hversu hann á eftir að styrkja liðið og má telja næsta víst að titillinn verði áfram í skápnum á Sunnubrautinni næsta árið.
Damon hittir félaga sína í fyrsta skipti á æfingu í íþróttahúsinu í dag kl. 15.00 í lokaundirbúningi fyrir leikinn í Stykkishólmi í kvöld.
Falur Harðarson segir að Damon hafi haft samband með mjög stuttum fyrirvara og þeir hafi einfaldlega ekki getað látið tækifærið renna úr höndum sér. „Þetta er alls ekki í líkingu við það sem hin liðin hafa verið að gera í vetur og við höfum gagnrýnt svo harðlega að undanförnu. Damon er Íslendingur og Keflvíkingur og er bara kominn heim.“