Damon kominn til Möltu

Damon Johnson körfuknattleikskappi sem lék með Keflavík í vetur er kominn til liðs við íslenska landsliðið á Möltu eftir mikla hrakningar. Gekk hann i fangið á fararstjórum KKÍ kl. 23.30 í gær á hóteli íslenska liðsins.

Damon flaug frá Barcelona í gærmorgun til Rómar. Í Róm lenti hann í verkfalli Al Italia flugfélagsins og komst ekki beint til Möltu eins og stóð til. Hann var sendur til Kanaríeyja og beið þar í 6 klst. eftir flugi til Möltu. Á flugellinum var enginn til að taka á móti honum og tók hann leigubíl í íþróttahúsið þaðan sem honum var leiðbeint á íslenska hótelið. Damon hafði skilað símanum sínum sem hann hafði frá spænska liðinu sínu og var því símalaus og hafði engin númer til að láta vita af sér.

Hann var orðinn verulega slæptur þegar hann kom inn á hótel eftir 16 tíma ferðalag.

Íslenska liðið verður því fullskipað er það mætir Möltu í fyrsta leik í dag.

Þetta kemur fram á heimasíðu KKÍ.