Butler og Sverrir best í Iceland Express-deild kvenna
KKÍ veitti í dag verðlaun í uppgjöri fyrri hluta Iceland Express-deildar kvenna. Besti leikmaðurinn var valin Jaleesa Butler hjá Keflavík en hún hefur leikið mjög vel það sem af er tímabili.
Þjálfari Njarðvíkinga og A-landsliðs kvenna, Sverrir Þór Sverrisson, var svo valinn besti þjálfarinn. Pálína Gunnlaugsdóttir sem á dögunum var kjörinn Íþróttamaður Reykjanesbæjar var valin í fimm manna úrvalslið fyrri hlutans sem og Pertúnella Skúladóttir úr Njarðvík.
Úrvalslið fyrri hlutans má sjá hér að neðan.
Pálína Gunnlaugsdóttir, Keflavík
Hildur Sigurðardóttir, Snæfell
Petrúnella Skúladóttir, Njarðvík
Sigrún Sjöfn Ámundadóttir, KR
Jaleesa Butler, Keflavík
Myndir: Jaleesa Butler hefur verið lykilmaður í toppliði Keflvíkinga það sem af er vetri og Petrúnella Skúladóttir (neðri mynd) hefur verið feikilega öflug hjá Njarðvíkingum.
