Brenton 35 ára í dag
Á vefsíðu Njarðvíkinga í dag er einum besta körfuknattleiksmanni landsins, Brenton Birmingham, sent góðar afmæliskveðjur. Brenton er 35 ára í dag og gefur hvergi eftir á parketinu. Við látum fréttina af Njarðvíkursíðunni fylgja með hér að neðan.
Aldursforseti okkar ástkæra körfuknattleiksliðs Brenton Birmingham er 35 ára í dag. Sendum við honum og fjölskyldu hans afmæliskveðju og hvetjum alla til að kasta á hann kveðju í B-Home.
Brenton er á sínu áttunda tímabili með UMFN og hefur skorað 21 stig, tekið 6 fráköst, gefið 4 stoðsendingar og stolið 3 að meðaltali í leik. Á þessum tíma hefur Brenton unnið 3 Íslandsmeistaratitila og 3 Bikarmeistaratitla með liðinu og var kosinn besti leikmaður Íslandsmótsins í fyrra.
VF-Mynd/ Þorgils Jónsson, [email protected] - Þau eru ófá tilþrifin sem Brenton hefur átt á ferli sínum hérlendis.
