Braut framtönn og skekkti aðra

Kesha Watson, bandaríski leikmaður kvennaliðs Keflavíkur í körfubolta, lenti í óskemmtilegri reynslu í leik liðsins gegn ÍS á miðvikudag þegar hún lenti í samstuði við Anabel Perdomo.

 

Við áreksturinn brotnaði úr henni ein framtönn og önnur skekktist og var hún umsvifalaust færð undir læknishendur. Tannlæknirinn náði þó að koma tönninni fyrir á ný og segir Jón Eðvaldsson, þjálfari Keflavíkur að Watson beri sig vel þrátt fyrir atvikið.

 

„Við erum vongóð um að hún nái sér fljótlega, en það skýrist á næstu dögum. Hún gæti verið tilbúin fyrir næsta leik, en hún er afar hörð af sér og það kæmi mér ekki á óvart ef hún yrði með.“

 

Mynd1: Perdomo lendir ofan á Watson í baráttu um lausan bolta.

 

Mynd2: Áhorfendur leita að tönninni undir bekkjunum.

 

VF-myndir/ Þorgils Jónsson – gilsi@vf.