Bratcher sennilega farinn fyrir fullt og allt

Larry Bratcher, Bandaríkjamaðurinn sem var fenginn til liðs við körfuknattleikslið Njarðvíkur fyrir bikarúrslitaleikinn um síðustu helgi, er farinn af landi brott. Hann hélt utan á sunnudaginn eins og samið var um fyrirfram, en til stóð að skoða mál hans og liðsins til framtíðar. Hafsteinn Hilmarsson, formaður körfuknattleiksdeildarinnar, sagði í samtali við Víkurfréttir að deildin sæi ekki fram á að Bratcher yrði fenginn aftur vegna þess að liðið hefði þegar nóg af leikmönnum í hans stöðu þar sem Brandon Woudstra og Brenton Birmingham eru að koma aftur eftir meiðsli.