Bóas Unnarsson til liðs við 1939 Canarias

Keflvíkingurinn Bóas Unnarsson hefur samið um að leika með ungmennaliðum með 1939 Canarias á yfirstandandi tímabili.

Bóas er fæddur 2008 og hefur leikið upp yngri flokka Keflavíkur ásamt því að hafa verið hluti af yngri landsliðum Íslands. Bóasi var boðið að koma til æfinga með 1939 Canarias í sumar og var honum boðinn samningur í kjölfarið sem hann hefur nú skrifað undir. Mun hann því vera úti á þessu tímabili, en samhliða því að æfa og spila með Tenerife mun hann leggja stund á nám og klára 10. bekk ytra.

Frá þessu er greint á karfan.is