Björgvin Sigmunds vann á Hólmsvelli

Um 80 kylfingar tóku þátt í þriðja mótinu á Egils Gullmótaröðinni hjá Golfklúbbi Suðurnesja sem fram fór í fyrradag. Kylfingar hafa fjölmennt um páskana í Leiruna enda aðstæður mjög góðar.

Tveir kylfingar léku undir pari í mótinu en það voru þeir Björgvin Sigmundsson úr GS og Alfreð Brynjar Kristinsson úr GKG sem léku báðir á 71 höggi eða einu höggi undir pari. Björgvin sigraði höggleikinn en hann lék betur á seinni níu holnum eða fjórum höggum undir pari.

Í punktakeppninni var það Guðjón Ragnar Svavarsson úr GS sem lék best. Hann lék á 41 punkt og varð einum punkti betri en Jóhann Kristinsson úr GR sem varð annar. Hér að neðan má sjá nánari úrslit úr mótinu.

Efstu kylfingar í höggleik:
1. Björgvin Sigmundsson GS 71 -1
2. Alfreð Brynjar Kristinsson GKG 71 -1
3. Bjarni Sigþór Sigurðsson GS 72 par
4. Daníel Hilmarsson GKG 74 +2
5. Haukur Már Ólafsson GKG 75 +3
6. Jóhann Kristinsson GR 75 +3

Efstu kylfingar í punktakeppni:
1 Guðjón Ragnar Svavarsson GS 41 punktur
2 Jóhann Kristinsson GR 40
3 Ásgeir Ingvarsson GKG 39
4 Halldór Kristján Þorvaldsson GS 39

Nándarverðlaun:
Næst holu á 9. braut: Jóhann Kristinsson 71 cm
Næst holu á 16. braut: Þórir Gíslason 55 cm
Næst holu á 18. braut: Alfreð Brynjar Kristinsson 71 cm.

Að sögn framkvæmdastjóra GS verða flatir slegnar og valtaðar fyrir næsta mót sem verður á laugardaginn.