Birna með 10 stig í fyrsta leiknum

Íslenska kvennalandsliðið í körfuknattleik sigraði það enska í vináttulandsleik í gær, 71-63. Var þetta fyrsti leikurinn af þremur milli þjóðanna en leikirnir eru liður í undirbúningi íslenska liðsins fyrir smáþjóðaleikana í Andorra sem hefjast þann 30. maí.

Birna Valgarðsdóttir (Keflavík) gerði 10 stig í leiknum en Helena Sverrisdóttir var atkvæðamest með 22 stig. Helga Jónasdóttir (Njarðvík) gerði 4 stig, Ingibjörg Vilbergsdóttir (Njarðvík) gerði 3 stig og Rannveig Randversdóttir (Keflavík) gerði 2 stig.
Hildur Sigurðardóttir gerði 10 stig, Alda Leif Jónsdóttir 8 og Helga Þorvaldsdóttir gerði 7 stig.

Liðin mætast öðru sinni í dag í Smáranum í Kópavogi og hefst leikurinn kl. 17:00. Á morgun verður svo leikið í Ljónagryfjunni í Njarðvík og hefst sá leikur kl. 12:00.