Bergsteinn til liðs við Selfyssinga
Markvörðurinn Bergsteinn Magnússon hefur gengið til liðs við Selfyssinga í 1. deildinni í knattspyrnu en hann lék þrjá leiki með Keflavík í Pepsi-deildinni í fyrra.
Bergsteinn verður tvítugur á þessu ári en hann hefur æft með Selfyssingum undanfarnar vikur og spilaði meðal annars úrslitaleikinn í Fótbolti.net mótinu á dögunum. Hann á að baki sautján landsleiki fyrir U17 og U19 ára lið Íslands, Sunnlenska greinir frá.
Eins og kunnugt er mun Ómar Jóhannsson ekki leika með Keflvíkingum í sumar en nýlega gengu Keflvíkinga frá samningi við sænska markvörðinn Jonas Sandqvist.
