Bandarískur leikstjórnandi til Keflavíkur

Fyrir helgi gekk körfuknattleiksdeild Keflavíkur frá undirritun samnings við bandaríska leikmanninn Remy Martin.

Martin átti flottan háskólaferil en hann spilaði í fjögur ár í NCAA-deildinni með Arizona State með góðum árangri og eitt ár með Kansas City sem Super Senior þegar liðið fór alla leið og sigraði bandarísku háskólakeppnina en eins og flestir vita þá er þetta einn stærsti körfuboltaviðburður í heiminum.

Það er því ljóst að hér er á ferðinni hörkuleikmaður en árið sem Kansas vann NCAA var Martin valinn MOP (Most outstanding Player) en hann átti stóran þátt í sigri Kansas.