HSS
HSS

Íþróttir

Ásdís Lilja semur við CB Tenerife Central
Jóhann Páll Kristbjörnsson
Jóhann Páll Kristbjörnsson skrifar
mánudaginn 9. október 2023 kl. 09:28

Ásdís Lilja semur við CB Tenerife Central

Í síðustu viku undirritaði Ásdís Lilja Guðjónsdóttir, fimmtán ára körfuknattleiksstúlka úr Keflavík, samning við unglingalið CB Tenerife Central sem spilar í spænsku úrvalsdeildinni. Ásdís undirgekkst læknisskoðun og mætti svo til æfinga CB um miðja síðustu viku og lék sinn fyrsta leik með liðinu um helgina í tapleik gegn núverandi Spánarmeisturum, Spar De Gran Canaria. 

Ásdís Lilja kemur upp úr hinu margrómaða kvennastarfi körfuknatleiksfélags Keflavíkur. Hún vakti athygli spænska liðsins þegar hún var stödd í æfingarbúðum í Tenerife síðastliðið sumar þar sem leikinn var æfingaleikur gegn CB. Í kjölfarið settu forsvarsmenn CB Tenerife sig í samband við forráðamenn Keflavíkur til að kanna möguleikana á því að fá hana til liðs við sig og eftir að hafa rætt málin innandyra lá skýr ákvörðun fyrir. 

Bílakjarninn
Bílakjarninn

Ásdís er fædd árið 2008 og hún var hluti af undir fimmtán ára landsliði Íslands í sumar. Ásdís Lilja er leikstjórnandi/bakvörður og er jafnframt nemandi í 10. bekk í Holtaskóla í Keflavík. Hún mun því klára sína grunnskólagöngu á Spáni samhliða körfuboltanum.