Arnór meiddist og Elías spilaði lítið

Íslendingar töpuðu 1-3 gegn Slóvakíu í vináttulandsleik í knattspyrnu í gær. Arnór Ingvi Traustason var í byrjunarliði Íslendinga annan leikinn í röð en hann varð að fara af velli eftir stundarfjórðung vegna meiðsla. Óheppilegt fyrir Arnór sem þótti leika vel gegn Pólverjum. Hann fékk högg aftan í kálfann en virðist ekki alvarlega meiddur.

Keflvíkingurinn Elías Már Ómarsson kom inn á í blálokin en hann náði ekki að setja mark sitt á leikinn. Ingvar Jónssson markvörðurinn frá Njarðvík, fékk ekki tækifæri til þess að sanna sig í leiknum frekar en gegn Pólverjum á dögunum.

Það helsta úr leiknum má sjá hér að neðan.