Arnór með sigurmark Íslendinga

Arnór Ingvi Traustason var ekki lengi að koma sér á blað með íslenska landsliðinu sem nú leikur vináttuleik gegn Finnum í Abu Dhabi. Leikurinn endaði með 1:0 sigri Íslands þar sem Arnór skoraði eina mark leiksins á 16. mínútu með glæsilegum hætti. Arnór fór af velli í hálfleik en hann stóð sig vel á vinstri kantinum á þessum 45 mínútum. Ingvar Jónsson lék einnig í fyrri hálfleik en fór af velli á sama tíma og Arnór. Elías Már Ómarsson fékk að spila síðustu 20 mínúturnar en náði ekki að setja mark sitt á leikinn.

Sjáðu markið hjá Arnóri Ingva hér.

 

Arnór Ingvi ætlar ekki bara að spila sig til Frakklands, heldur í byrjunarliðið á EM sýnist mér. #fotbolti #vonarstjarna

— Teitur Örlygsson (@teitur11) January 13, 2016

Arnór fyrir löngu búinn að spila sig inn í hug minn og hjarta en í augnablikinu er hann að spila sig inn í hópinn sem fer á EM í sumar

— Frans Elvarsson (@franselvars) January 13, 2016