Arnór Ingvi skoraði í sigri Norrköping

Arnór Ingvi Traustason skoraði eitt af þremur mörkum Nörrköping í góðum sigri á Örebro í sænsku úrvalsdeildinni í gær.

Arnór skoraði fyrsta mark leiksins en Norrköping leiddi 2-0 í hálfleik. Örebro minnkaði muninn í síðari hálfleik en Norrköping menn gerðu úti um leikinn með þriðja markinu áður en yfir lauk. Arnór Ingvi spilaði allann leikinn fyrir sitt lið.

Norrköping situr í 2. sæti deildarinnar með 38 stig eftir 19 umferðir, eins og topplið IFK Gautaborgar en Norrköping hefur lakari markatölu eins og staðan er í dag.

Hér má sjá myndskeið frá markinu glæsilega.