Arnór Ingvi skoraði gegn Möltu

Keflvíkingarnir Arnór Ingvi Traustason og Elías Már Ómarsson og Njarðvíkingurinn Ingvar Jónsson voru í byrjunarliði Íslands í gær í vináttulandsleik gegn Möltu. Leikurinn fór 0-2 fyrir Íslandi og skoraði Arnór Ingvi annað markið eftir fyrirgjöf frá Elíasi Má.

 

Arnór Ingvi hefur nú skorað fimm mörk í þeim tólf landsleikjum sem hann hefur spilað. Elías Már átti gott færi í fyrri hálfleik þar sem hann átti góðan skallabolta eftir fyrirgjöf frá Arnóri Smára en markvörður Möltu varði vel.