Andri Rúnar á leiðinni til Svíþjóðar
- samningsviðræður á lokastigi
Markakóngur Pepsi- deildarinnar í knattspyrnu, Andri Rúnar Bjarnason er á leiðinni til sænska liðsins Helsingborg en liðið spilar í B- deildinni.
Andri Rúnar segir í samtali við vísir.is í dag að samræður séu á lokastigi og að þetta sé besti kosturinn sem sé í boði þessa stundina.
Andri Rúnar var feiknagóður með Grindvíkingum í sumar og jafnaði meðal annars markametið í efstu deild og skoraði nítján mörk fyrir liðið. Hann var einnig valinn besti leikmaður Pepsi- deildarinnar af KSÍ, var kjörinn besti leikmaðurinn hjá Grindavík og fotbolti.net valdi hann sem besta leikmanninn eftir sumarið.
