Ánægja með boltagjöf Fiskvals

Unglingaráð Körfuknattleiksdeildar Keflavíkur fékk á mánudaginn afhenta nýja sérframleidda Baden æfingabolta fyrir alla iðkendur félagsins á aldrinum 6-12 ára.  Boltarnir eru í litum félagsins og einnig merktir Keflavík og Fiskval sem styrkir unglingastarfið rausnarlega með þessum hætti undir slagorðinu „Borðum fisk”.  Forsvarsmenn Körfuknattleiksdeildar Keflavíkur voru að vonum afar ánægðir með þennan stuðning.

Á myndinni má sjá þegar 1. og 2. bekkur stúlkna  fékk að prófa nýju boltana í fyrsta skipti.  Frá vinstri Einar G. Einarsson yfirþjálfari, Elfar Bergþórsson Fiskval, Sveinn Björnsson gjaldkeri unglingaráðs og Helena Jónsdóttir þjálfari stúlknanna á myndinni.