Allir Suðurnesjamenn unnu til verðlauna

Norðurlandamótið í taekwondo var haldið í íþróttahúsinu við Sunnubraut um helgina. Suðurnesjamenn voru afar sigursælir á mótinu og eignuðust alls sjö Norðurlandameistara um helgina. Alls voru 20 keppendur frá Suðurnesjum og unnu þeir allir til verðlauna.

Þetta er í þriðja sinn sem Norðurlandamótið er haldið á Íslandi, en síðast var það haldið árið 2009 en vafalaust er um sterkasta mót að ræða sem haldið hefur verið haldið á Suðurnesjunum. Tæplega 200 keppendur mættu til leiks á mótinu frá Íslandi, Noregi, Danmörku, Finnlandi og Svíþjóð. Það voru 20 keppendur frá Suðurnesjunum og það er skemmst frá því að segja að allir unnu til verðlauna. Taekwondodeild Keflavíkur eignaðst sjö Norðurlandameistara á mótinu og íslenska liðið eignaðist 16 Norðurlandameistara. Mun þetta vera besti árangur sem íslenska liðið hefur náð, en áður hafði Ísland mest eignast fimm Norðurlandameistara á einu móti. Auk þess vann íslenska liðið stigakeppni liða á móitnu í fyrsta sinn í sögunni. Keflvíkingar voru með flest verðlaunin fyrir íslenska liðið á mótinu. Eftirfarandi er árangurinn hjá Suðurnjesamönnum úr þeim fjórum keppnisgreinum sem keppt var í á mótinu.

Adda Paula Ómarsdóttir - 3 x silfur

Ágúst Kristinn Eðvarðsson - 1x gull og 1x brons

Ástrós Brynjarsdóttir - 1x gull og 2x silfur

Bjarni Júlíus Jónsson - 2x gull og 1x silfur

Björn Lúkas Haraldsson - 2x brons

Daníel Arnar Ragnarsson - 2x brons

Daníel Aagard Nilsen - 1x gull, 1x silfur og 1x brons

Dýrleif Rúnarsdóttir - 1x silfur

Gísli Þráinn Þorsteinsson - 1x brons

Helgi Rafn Guðmundsson - 1x silfur og 1x brons

Karel Bergmann Gunnarsson - 1x gull

Kolbrún Guðjónsdóttir - 1x brons

Kristmundur Gíslason - 1x silfur

Normandy Del Rosario - 1x brons

Ólafur Þorsteinn Skúlason - 1x silfur

Svanur Þór Mikaelsson - 2x gull

Sverrir Örvar Elefsen 1x gull

Victoría Ósk Anítudóttir 1x brons

Ægir Már Baldvinsson - 2x silfur og 1x brons

Ævar Týr Sigurðarsson - 2x brons