Albert Sævarsson verður með Grindavík í sumar

Albert Sævarsson markvörður er kominn aftur heim til Grindavíkur og mun leika með þeim í sumar. Grindvíkingar og lið Alberts, B-68 í Færeyjum, hafa komist að samkomulagi um mál leikmannsins og niðurstaðan er sú hann er kominn heim á æskuslóðir, en hann lék með Grindavík allt til ársins 2003.
Þetta kemur fram á heimasíðu Grindavíkur, sem fagnar heimkomu Alberts, enda er hann mjög öflugur leikmaður og á eftir að styrkja hóp þeirra verulega.