Afmælisgjöfin, jólagjöfin og jafnvel brúðargjöfin er klár gott fólk

Vefsíðan Karfan.is hefur nú sett í loftið sölusíðu fyrir allar þær fjölmörgu ljósmyndir sem við birtum á vefsíðunni okkar. Nú getur þú keypt þitt eigið eintak í fullri upplausn. Það eina sem þú þarft að gera er að skrá þig inn. Þú ferð inn á myndir.karfan.is og stofnar þinn eigin aðgang.

Nokkuð magn af myndum er þegar komið inn á síðuna og þeim á bara eftir að fjölga. Við munum t.d. setja jafnt og þétt inn myndir frá Norðurlandamótinu í Svíþjóð svo frændi, frænka, mamma, pabbi og allir aðrir geta skráð sig inn og keypt myndir af grasrótinni gera sitt besta gegn frændum okkar á Norðurlöndum.

Endilega lítið við á síðunni og prófið ykkur áfram. Karfan.is