7 ára á verðlaunapalli á Andrésar Andar leikunum

Snorri Rafn William Davíðsson, 7 ára skíðakappi úr Reykjanesbæ, varð í fimmta sæti í stórsvigi á Andrésar Andar leikunum á Akureyri um síðustu viku. Þetta voru fertugustu Andrésar Andar leikarnir og tókst mótið vel þrátt fyrir mikla snjókomu og ekta vetrarveður. Um er að ræða fjölmennasta skíðamót á landinu sem haldið er á hverju ári með um alls 700 keppendur. Vegna mikils fjölda þátttakenda í stórsviginu voru gefin verðlaun fyrir efstu 6 sætin en alls voru keppendurnir 32 í flokki 7 ára drengja.

Snorri Rafn æfir skíði allt að þrisvar sinnum í viku en oft hefur verið lokað í Bláfjöllum vegna veðurs í vetur. Einnig æfir Snorri Rafn fótbolta, fimleika og golf þannig að íþróttadagskráin er stíf en gleðin er ávallt í fyrirrúmi og mikið kapp lagt í hverja æfingu.

Þetta er annað árið sem Snorri Rafn æfir skíði með skíðafélagi Ármanns en systir hans, Lovísa Björk, byrjaði einnig að æfa með Ármanni í vetur en hún tók einnig þátt á Andrésar Andar leikunum og stóð sig vel.