3-0 tap í Sviss

Leikur Grindavíkur og svissneska liðsins Basel endaði með 3-0 sigri Basel. Liðin mættust í Sviss á laugardag en leikurinn var liður í Intertoto keppninni. Seinni leikur liðanna fer fram í Grindavík nk. laugardag.
Grindvíkingar gerðu ráð fyrir erfiðum leik og lögðu upp með sterkri vörn. Liðið átti þó nokkur færi og var Senisa Kekic nálægt því að skora með skalla. Grindvíkingar eru nú mun betur undirbúnir undir leikinn á laugardag en á miðvikudag mæta þeir KS á Siglufirði í 16 liða úrslitum Coca-Cola bikarsins.