3. flokkur Keflavíkurstúlkna í bikarúslitum í kvöld

3. flokkur kvenna frá Keflavík leikur til úrslita í Bikarkeppni KSÍ á móti Breiðabliki á Ásvöllum í kvöld kl. 17.30. Breiðabliksstúlkur eru nýkrýndir Íslandsmeistarar þannig að ljóst er að leikurinn verður erfiður.

Keflvíkingar eru staðráðnar í því að standa sig en þær hafa þegar lagt Blika einu sinni í sumar, 2-1, í Kópavogi en Blikar sigruðu í Keflavík, 3-1. Það getur því allt gerst og eru stuðningsmenn Keflavíkur hvattir til að fjölmenna á völlinn.

VF-mynd úr safni: Úr leik Keflavíkur og FH í sumar