20 FRÍMIÐAR Á ÚRSLITAKEPPNI EGGJABIKARSINS
-gegn framvísun úrklippu í Helgarblaðinu sem kom út í dag Tuttugu lesendur Helgarblaðs Víkurfrétta sem mæta með afrifu úr Helgarblaðinu sem kemur út í dag fá frítt á alla þrjá úrslitaleiki Eggjabikarkeppninnar í körfuknattleik sem fram fer í íþróttahúsinu í Smáranum í Kópavogi á laugardag og sunnudag. Undanúrslitaleikirnir fara fram á laugardag en úrslitaleikurinn á sunnudag. Fyrstu tuttugu sem framvísa afrifu úr Helgarblaðinu fá miða sem gildir á alla þrjá leikina. Það er til mikils að vinna því miði fyrir hvorn dag kostar 800 kr. Frímiðar í lesendaleik Helgarblaðs Víkurfrétta eru því 1600 kr. virði en blaðið kostar aðeins 249 kr. Misstu ekki af helgarblaðinu þessa helgina!
