175 íþróttamenn í Reykjanesbæ hlutu Íslandsmeistaratitil á árinu 2003

Alls hlutu 175 íþróttamenn í Reykjanesbæ Íslandsmeistaratitil á árinu 2003.
Árið var metár í sögu körfunnar í Njarðvík þar sem 6 yngri flokkar urðu Íslandsmeistarar auk þess sem félagið vann 3 bikarmeistaratitla og 8. flokkur karla varð Scania Cup meistari sem er óopinbert Norðurlandamót félagsliða.

Lyftingadeild Njarðvíkur - Massi, átti tvo Íslandsmeistara á árinu sem voru þeir Karl Hólm Gíslason Íslandsmeistari unglinga í kraftlyftingum og Hörður Birkisson Íslandsmeistari í réttstöðulyftu.
Íslandsmeistarar UMFN í sundi urðu Kristinn Ásgeir Gylfason, Jón Oddur Sigurðsson, Erla Dögg Haraldsdóttir og Hilmar Pétur Sigurðsson.

Íslandsmeistarar Keflavíkur í sundi urðu Birkir Már Jónsson, Guðni Emilsson, Örn Arnarson, Eðvarð Þór Eðvarðsson, Íris Edda Heimisdóttir, Guðlaugur Már Guðmundsson, Erla D. Magnúsdóttir, Sólveig Óskarsdóttir, jóhanna Marsibil Pálsdóttir, Sunna Pétursdóttir, Þóra Björg Sigurþórsdóttir, Karítas Heimisdóttir, Helena Ósk Ívarsdóttir, Íris Guðmundsdóttir, Þórður Ásþórsson, Marín Hrund Jónsdóttir, Íris Stella Heiðarsdóttir, Berglind Þorsteinsdóttir, Sigurður Freyr Ástþórsson, Kristófer Arnar Magnússon, Hjördís Ólafsdóttir, Selma Óskarsdóttir, Stefanía Júlíusdóttir, Jónína Henný Bjarnadóttir, Einar Pétursson, Þorsteinn Viðar Heimisson, Davíð Hildiberg Aðalsteinsson, Kristófer Magnússon og Einar Pétursson.

Íslandsmeistari í Badmintondeild Keflavíkur var Þorgerður Jóhannsdóttir í tvíliðaleik stúlkna í unglingaflokki.
Íslandsmeistarar úr Körfuknattleiksdeild Keflavíkur voru meistaraflokkur karla, meistaraflokkur kvenna og 9. flokkur kvenna. Bikarmeistarar voru meistaraflokkur karla, unglingaflokkur kvenna og 9. flokkur kvenna.
Heiðrún Rós Þórðardóttir hjá Fimleikadeild Keflavíkur hlaut Íslandsmeistaratitil í 5. þrepi á gólfi og trampólíni.

Íslandsmeistarar í Taekwondo urðu Normandy Del Rosario í 68 kg. flokk fullorðinna svartbeltinga í bardaga og Helgi Rafn Guðmundsson í unglingaflokki í formkeppni.
Helgi Hólm varð Íslandsmeistari í hástökki í 60 ára flokki í hástökki og setti í leiðinni öldungamet.
Hestamannafélagið Máni hrósaði fjórum Íslandsmeistaratitlum á árinu en þá hlutu Camilla Petra Sigurðardóttir stigahæsti knapi í unglingaflokki, Elva Björk Margeirsdóttir í fimiæfingum og ungmennaflokki, Sigurður Kolbeinsson í íslenskri skeiðtvíkeppni í 2 flokki og Sveinbjörn Bragason í íslenskri tvíkeppni í ungmennaflokki.
Frá þessu er greint á vef Reykjanesbæjar.