Hollustusafi sem jafnar hormónin

Við konur getum sennilega verið sammála um að okkur líður stundum eins og við séum í rússibana þegar kemur að hormónakerfinu okkar þar sem við sveiflumst gjarnan á milli þess að vera glaðar, leiðar, pirraðar, þreyttar, ofvirkar, viðkvæmar eða eins og eldfjall sem er við það að gjósa á ákveðnum tíma mánaðarins! Við getum sem betur fer haft áhrif á hormónakerfið okkar sjálfar með því að hugsa vel um okkur og því ætla ég að deila með ykkur svone ‘feel good’ safa sem er mjög vænn fyrir hormónin. Þessi safi inniheldur fullt af virkum efnum sem örva og aðstoða lifrina í að hreinsa út notuð hormón sem þjóna okkur ekki lengur og einnig ýmis hormónaspillandi efni (xenoestrogens) sem líkja eftir hormónum og trufla kerfið okkar. Rauðrófur er vel þekktar fyrir að hreinsa blóðið, örva lifrina og veita okkur járn og önnur steinefni. Þær innihalda betaine sem er virkt efni sem eykur ákveðið ensím í lifrinni og hefur þar með áhrif á að niðurbort á ‘slæmu’ estrógeni. Sellerí inniheldur jurtaestrógena sem hafa sýnt fram á jákvæð stillandi áhrif á hormónakerfið en þau keppa við okkar eigið estrógen. Sítrónur innihalda d-Limonene sem aðstoðar við estrogen niðurbrot í lifrinni. Epli gefa okkur mikilvægar trefjar sem geta bundist umfram estrógeni. Hörfræ innihalda omega 3 og jurtaestrógena. Hollar fitusýrur eru mikilvægar fyrir eðlilega framleiðslu hormóna. Túnfífilsblöð eða önnur beisk salatblöð örva lifrina mjög kröftuglega og innihalda þar að auki glutathione, sem er ensím sem afeitrar lifrina. Turmerik og engifer geta linað krampakennda verki í tengslum við tíðablæðingar en turmerik er einnig góð jurt fyrir lifrina. ‘Happy wife, happy life’!

Innihald:
1 stór fersk rauðrófa
3 sellerístilkar
1 grænt epli
1/3 hnefi túnfífilsblöð
(hægt að nota klettasalat)
1-2 bitar fersk turmerik rót
1 bútur fersk engifer rót
1 msk möluð hörfræ (t.d. frá Now)
1 sítróna
1 lime

Setjið allt í djúsvél (nema hörfræ). Þegar safinn tilbúinn hrærið möluðum hörfæjum út í. Gott að bera fram með klökum. Njóta!

Heilsukveðja, Ásdís grasalæknir.
www.facebook.com/grasalaeknir.is
www.pinterest.com/grasalaeknir