5 Jurtir og fæða sem hreinsar líkamann

Í okkar nútímasamfélagi er fjöldinn allur af toxískum efnum í okkar umhverfi eins og skordýraeitur, þungamálmar, mengun, hreinsiefni, lyf, áfengi, aukaefni í mat, o.fl. Líkaminn framleiðir einnig sjálfur úrgangsefni sem eru niðurbrotsefni efnaskipta og toxísk efni framleidd af örverum í meltingarvegi. Óhóf í mat og drykk getur t.d. dregið úr hæfni líkamans til að hreinsa. Allt setur þetta álag á hreinsilíffæri okkar eins og lifrina og nýrun og nokkrar rannsóknir benda til tengsla mili uppsöfnunar toxískra efna í líkamanum og offitu en þessi efni geta m.a. hugsanlega truflað framleiðslu skjaldkirtilshormóna og haft þannig hamlandi áhrif á þyngdarlosun (http://onlinelibrary.wiley.com/doi/10.1046/j.1467-789X.2003.00085.x/abstract).

Hugum því vel að því hvað við veljum ofan í okkur og styðjum við náttúrulegt afeitrunarferli líkamans með hreinni og góðri fæðu.

Mjólkurþistill – hefur hreinsandi áhrif á lifrina og stuðlar að endurnýjun lifrarfrumna.

Brenninettla – hefur vatnslosandi  og hreinsandi áhrif á nýrun og sogæðakerfi.

Sítrónur – örva starfsemi gallblöðru og auðvelda niðurbrot á fitu.

Brokkolí – stuðlar að framleiðslu mikilvægra afeitrunarensíma í lifrinni.

Kóríander – getur hjálpað líkamanum að losa út þungamálma.

Heilsukveðja, Ásdís grasalæknir.
www.facebook.com/grasalaeknir.is