„Skógareldur“ kæfður í fæðingu

Slökkvilið Brunavarna Suðurnesja brást hratt við gróðureldi sem var að læsa sig í trjágróður við Grænás í Njarðvík nú í morgun. Þegar slökkvilið kom á staðinn logaði í mosagróðri við litla spennistöð.

Vatni var úðað yfir svæðið og gróðureldurinn slökktur áður en hann varð að miklu báli en ein og orðatiltækið segir - það var bálhvasst á vettvangi.

Þrátt fyrir að gróður sé orðinn grænn og líflegur er alltaf hætta á að þurr mosi geti fuðrað upp. Þannig er þetta annað útkallið á innan við viku þar sem tilkynnt er um gróðureld í umdæmi Brunavarna Suðurnesja.