„Eitt er víst, gosinu er ekki lokið!“
- Sjáið myndskeið með fréttinni
Um klukkan fimm í morgun fór óróinn í grennd við gosstöðvarnar í Fagradalsfjalli að aukast og í kjölfarið sást glóandi hraun í gígnum.
Ábendingar hafa borist til Veðurstofu Íslands um nýjar sprungur í grennd við gíginn en við nánari athugun lítur þetta út fyrir að vera kvika sem rennur undan gígnum í lokuðum rásum og brýtur sér leið upp á yfirborðið á nokkrum stöðum, segir í tilkynningu frá Veðurstofunni.
„Af þessari ástæðu áminnum við fólk á að ganga ekki á hrauninu þar sem að rásir sem þessar geta opnast hvar og hvenær sem er,“ segir jafnframt.
Eitt er víst, gosinu er ekki lokið, segir Veðurstofa Íslands.
