Von á vætu í dag

Klukkan 9 var austlæg átt, víða 5-10, en 15-20 við suðurströndina. Hvassast var þó á Stórhöfða, 28 m/s. Rigning allra syðst en annars skýjað að mestu. Kaldast var við frostmark á Grímstöðum á Fjöllum, en hlýjast 8 stiga hiti á Brúsastöðum í Vatnsdal og í Straumsvík.

Veðurhorfur við Faxaflóa til kl. 18 á morgun:
Austlæg átt, 8-13 en hvassari um tíma síðdegis. Rigning einkum sunnantil. Hægari í kvöld og úrkomulítið. Norðaustan og norðan 5-13 á morgun og léttir til. Hiti 6 til 12 stig.

Viðvörun !
Búist er við stormi á Suðvesturmiðum, Faxaflóamiðum, Suðausturmiðum, Vesturdjúpi, Suðurdjúpi og Suðvesturdjúpi.

Yfirlit
Yfir A-Grænlandi er 1015 mb hæð, en um 800 km SV af Reykjanesi er 977 mb lægð sem hreyfist hægt í A.

Veðurhorfur á landinu
Veðurhorfur til kl. 18 á morgun: Austlæg átt, víða 8-15, en 15-20 með suðurströndinni. Rigning sunnantil, en þurrt að mestu um landið norðanvert. Hægari seint í kvöld og úrkomuminna. Norðaustan og norðan 8-13 á morgun og rigning eða skúrir norðan- og austanlands, en hægari suðvestantil og léttir heldur til. Hiti 3 til 12 stig að deginum, hlýjast norðvestanlands í dag, en sunnanlands á morgun.
 
VF-mynd/Þorgils - Tvöfaldur regnbogi yfir Keflavíkurvelli í gærkvöldi.