Vogar yfirgefa Reykjanesfólkvang

Bæjarráð Sveitarfélagsins Voga leggur til við bæjarstjórn að sveitarfélagið fari að fordæmi Reykjavíkurborgar og segi sig frá þátttöku í Reykjanesfólkvangi.

Þá verði óskað eftir því við Umhverfis-, orku-, og loftlagsráðuneytið að auglýsingu um fólkvang á Reykjanesi verði breytt til samræmis við framangreinda ákvörðun.

Þetta var samþykkt samhljóða með fjórum atkvæðum í bæjarráði þann 7. febrúar sl.

Þá segir að bæjarráð Sveitarfélagsins Voga taki undir þau sjónarmið sem fram koma í erindi Reykjavíkurborgar og bókun borgarstjórnar við afgreiðslu tillögu um úrsögn Reykjavíkurborgar úr Reykjanesfólkvangi.