Vogar: Gönguferðir umhverfisnefndar halda áfram

Umhverfisnefnd Sveitarfélagsins Voga hefur undanfarið staðið fyrir léttum kvöldgöngum  í nágrenni sveitarfélagins. Ferðirnar halda áfram í júní en tilgangur þeirra er að gefa fólki tækifæri að kynnast nánasta umhverfi sínu og hafa áhrif á það.

 

Gengið verður á þriðjudagskvöldum á lagt upp kl. 19:30.

Næsta ganga verður á morgun,  þriðjudag um Brunnastaðahverfi og í næstu viku verður gengið að Hrafnagjá. Þá er ráðgert að skoða Hvassahraunskatla, Brugghelli og Tór, Eldborg, Lambafellsgjá og Sóleyjarkrika í þeim göngum sem framundan eru. Á Jónsmessu á svo að ganga á Keili, sem segja má að sé bæjarfjall Vogamanna.
Nánari upplýsingar má nálgast á nýjum og endurbættum vef sveitarfélagsins, www.vogar.is .

Mynd: Á toppi Keilis í dulúð þokunnar. VF-mynd: elg