Vogamenn fá betra vatn

Nýtt vatnsból verður tekið í notkun í Vogum í dag. Vatnsbólið kemur í stað núverandi vatnsbóls, sem er innan miðbæjarskipulags. Gerðar hafa verið gæðaprófanir á vatninu í nýja vatnsbólinu og telst vatnið þar vera betra en úr núverandi vatnsbóli.
Það verða fulltrúar ungu kynslóðarinnar í Vogum sem munu skrúfa frá krönunum í nýja vatnsbólinu í dag.