Virða hraðahindranir að vettugi
Þrátt fyrir að hraðahindranir hafi verið setta upp á þjóðveginum í gegnum Hafnir virðist sem nokkrir vörubílstjórar láti sér ekki segjast.
Íbúar Hafna hafa orðið vitni að því þegar ákveðnir bílstjórar slengja tengivögnum bifreiðanna utan í stöplana, sem hefur verið komið fyrir á veginum, til að hnika þeim út af veginum.
Íbúi sem hafði samband við Víkurfréttir sagði greinilegt að þörf væri á frekari aðgerðum til að draga úr slysahættunni sem hlýst af hraðakstri vörubifreiða um Hafnaveg.
VF-myndir/Þorgils: Á fyrri myndinni má glögglega sjá að kvarnast hefur upp úr steypustöpli og á þeirri seinni er búið að ýta öðrum út í kant.
