Vinsælast 2012: Fannst dáinn í ísskápnum

Húsráðanda í Reykjanesbæ var verulega brugðið á vormánuðum þegar karlmaður fannst meðvitundarlaus hálfur inn í ísskáp á heimilinu. Maðurinn hafði ekki ratað inn í rétta íbúð í fjölbýlishúsi vegna ofurölvunar.
Svo virðist sem maðurinn hafi orðið svangur og ætlað að næla sér í eitthvað gott í gogginn innarlega úr voldugum amerískum ísskápi. Við það að stela úr ísskápnum virðist maðurinn hafa sofnað áfengissvefni og fannst þannig í morgunsárið. Svo hljóðar vinsælsta fréttin á vef Víkurfrétta árið 2012.

Að sögn húsráðanda var ekki um neitt annað að ræða en að kalla til lögreglu sem fjarlægði manninn úr ísskápnum.