Vinnuslys í Sandgerði

Um hádegisbilið í gær fékk lögregla tilkynningu um vinnuslys í nýbyggingunni við Miðnestorg í Sandgerði. Lögregla og sjúkrabifreið frá Brunavörnum Suðurnesja fóru á vettvang en þar hafði maður fallið niður um 6,5 metra af vinnupalli. Í fallinu lenti maðurinn á opinni hurð á fyrstu hæðinni og síðan í jörðinni. Hlaut hann mikla skurði á læri og bakhluta og var fluttur með sjúkrabifreið á Heilbrigðisstofnun Suðurnesja þar sem hann fór beint í aðgerð.