Vinnuskólakrakkar til hreinsunarstarfa eftir eldgos

Á fundi bæjarráðs Grindavíkur þann 25. maí sl. var samþykkt að bjóða fram krafta flokks úr vinnuskóla bæjarins til hreinsunarstarfa í Skaftárhreppi eftir eldgosið í Grímsvötnum. Markmiðið er að aðstoða við hreinsunina og gefa nemendum í vinnuskólanum tækifæri til að taka þátt í stóru samfélagsverkefni. Bæjarstjóra og yfirmanni vinnuskóla var falið að útfæra verkefnið í samráði við sveitarstjórn Skaptárhrepps.

Frá þessu er greint á vef Grindavíkur.

Það var sameiginleg niðurstaða að Grindavíkurbær myndi senda einn vinnuflokk austur í tveggja daga vinnu. Hópurinn, sem samanstendur af sjö nemendum og tveimur flokksstjórum, lagði af stað í morgun galvaskur og mun aðstoða við hreinsun á Kirkjubæjarklaustri.



Mynd: Grindavik.is