Fréttir

Vilja skipta um nafn á Sorpeyðingarstöð Suðurnesja
Fimmtudagur 5. júlí 2018 kl. 09:42

Vilja skipta um nafn á Sorpeyðingarstöð Suðurnesja

Lagt er til að nafni Sorpeyðingarstöðvar Suðurnesja sf. verði breytt. Þetta er meðal tillagna sem framkvæmdastjóri félagsins lagði fyrir stjórnarfund í júní og að tillagan verði tekin fyrir á aðalfundi Sorpeyðinarstöðvarinnar í ágúst næstkomandi.
 
Lagt er til að nafnið Sorpeyðingarstöð Suðurnesja sf. verði aflagt og í þess stað verði tekið upp nýtt nafn á félagið; Kalka sf. sorpeyðingarstöð (Kalka, incinerator authority). Með breyttu nafni verður ekki breyting á kennitölu félagsins.
 
Í greinargerð með tillögunni segir að í daglegu tali er félagið lang oftast kallað Kalka, bæði af starfsfólki, viðskiptaaðilum og almenningi. Nafn félagsins er langt og óþjált, sér í lagi þegar um er að ræða samskipti við erlenda aðila. Einnig hefur þetta nokkuð oft valdið misskilningi hjá aðilum sem senda félaginu reikninga o.þ.h.
 
Stjórn félagsins telur nafnabreytingu tímabæra.
Public deli
Public deli